محمد بن طخج الإخشيد
| |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
ابو بكر محمد بن طخچ بن جف الإخشيد ( اتوفى فى القاهره 946 ) ، مشهور بإسم " الإخشيد ". اسس الدوله الإخشيديه و حكم مصر من 935 ل 946 ، ولإسمه بيتنسب الإخشيديين و الدوله الإخشيديه.
ابو بكر محمد بن طغج الإخشيدى (882–946) المؤسس الاول للدولة الإخشيدية فى مصر, اتولى الحكم فى مصر مكافأة له على تصديه لمحاولات الفاطميين لدخول مصر.
الإخشيد كان فى الاصل قومندان عسكرى فى جيش العباسيين فى مصر اتصدى فى سنة 933 لمحاولات الفاطميين لغزو مصر فعينه الخليفه العباسى المتقى والى على مصر سنة 935. الإخشيد كون جيش قوى عدده 400.000 عسكرى زائد حرسه الخاص اللى عددهم وصل ل 8000 مملوك ، و انشأ ترسانة سفن ( دار الصناعه ) فى ساحل الفسطاط بنى فيها سفن كتيره. قدر الإخشيد انه يرجع الهدؤ فى مصر و الشام و ساعد الخليفه ضد الحمدانيين فإعجب الخليفه العباسى بيه و خلاه والى على مصر و الشام هو و ولاده من بعده لمدة تلاتين سنه فإسس دولته اللى اتعرفت بإسم الدوله الإخشيديه. مصر فى عهد الدوله الاخشيديه كانت شبه مستقله و ماكانش فيه علاقه ما بين الإخشيد و العباسيين غير علاقه اسميه زى الخطبه بإسم الخليفه و سك فلوس عليها اسمه و مبلغ بيتبعتله كل سنه. بعد وفاته سنة 946 مسك الحكم ابنه ابو القاسم انوجور. اخر حكام الدوله الإخشيديه كان حفيد الإخشيد " ابو الفوارس احمد بن على " اللى حكم لغاية مادخل الفاطميين مصر سنة 969 بقيادة جوهر الصقلى و بكده انتهت الدوله اللى اسسها الامير محمد بن طخچ الإخشيد.
بستان المختار[تعديل]
الإخشيد عمل جنينه جميله جنب حصن احمد بن طولون فى جزيرة الروضه سماها " البستان المختار ". الجنينه دى كانت نزهه للإخشيد و عيلته و فضلت مكان للفسحه للفاطميين بعد كده لحد عهد الامر بأحكام الله الفاطمى لما بنى الملك الافضل شاهنشاه بن امير الجيوش بدر الجمالى جنينه تانيه فى شمال جزيرة الروضه اتعرفت بإسم " بستان الروضه ". لغاية النهارده فى الروضه فيه شارع اسمه " المختار " بيوصل مابين فرعين النيل الشرقى و الغربى.
الحكام الإخشيديين فى مصر[تعديل]
| الحاكم | حياته | فترة حكمه | |
|---|---|---|---|
| 1 | ابو بكر محمد بن طغج الإخشيد | 822–946 | 935-946 |
| 2 | ابو القاسم انوجور بن الإخشيد | 946 - 961 | 946-961 |
| 3 | ابو الحسن على بن الإخشيد | 961 - 966 | 961-966 |
| 4 | ابو المسك كافور | 968-905 | 966-968 |
| 5 | ابو الفوارس احمد بن على بن الإخشيد | 969-968 | 968-969 |
| العباسيين | مدة الحكم: 935 - 946 | ابو القاسم انوجور |