Holocaust 2000W
Miranduléś|
C'l artìcul chè 'l è scrit in
Miranduléś |
 Holocaust 2000
| ||
 L'Agostina Belli e Kirk Douglas in na figùra dal film | ||
| id. 1977 | ||
|---|---|---|
| Regia: Alberto De Martino | ||
| Scritùr: Alberto De Martino Sergio Donati • Michael Nelson | ||
| Atùr: Kirk Douglas • Simon Ward • Agostina Belli Anthony Quayle • Adolfo Celi • Massimo Foschi Romolo Valli • Ivo Garrani • Spiros Focás | ||
| Müsica: Ennio Morricone | ||
| Lengua: Ingléś | ||
| Dürä dal film: 106 minüt | ||
| Nasiòṅ: Itàglia • Régn Unî | ||
Holocaust 2000 (id.) 'l è 'n film ad scarésa dal 1977 'd Alberto De Martino.
Sunt
Robert Caine (Kirk Douglas) 'l è 'n inśgnēr americàṅ ch'al gh'à in prugèt ad tiràr sù na sentràla térum-nucleàra bèla granda in d'l Uriènt Mèdi par psēr dar un muć ad curènt lètrica a i paéś dal tèrs mónd. Sò fiōl Angel (Simon Ward) 'l è da la sò banda a 'l cuntràri 'd sò mujēr Eva (Virginia McKenna) ch'invéci la s vrév tiràr indrē parchè l'à batśâ l'òpra tròp periculóśa. Esénd lē l'asiunìsta più impurtànta dla società, al prugèt al và in a risć 'd èsar mis da na banda ma, durànt la sò preśentasiòṅ a 'l pùblic, un tisi misterióś al la scurtèla a mòrt méntar 'l éra drē a culpìr sò marè.
A 'l funeràł dla dóna, Robert al cgnós la giurnalìsta Sara Golan (Agostina Belli) ch'la gh dà na fóto dal sit in du al gh'arév da far 'l impiànt. In dla figùra a s véd di inciśiòṅ su 'l prédi ch'i fór'm al diségn dal “Drâg d'l Apucalìs”. A s trata 'd un brut signàł e ch'a gh sia quèl ch'a traśa 'l è ciàr quànd al pulìtig cap dl'upuśisiòṅ Harbin (Spiros Focás), ch'l à vins gl'elesiòṅ prumiténd ad saràr la sentràla, al mōr in un brut incidènt.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit FilmHorror