Gtdthb

Елена Хисамутдинова (Елена Фаридовна Хисамутдинова) (1979 ага 4, РСФСР, Марий АССР, Йошкар-Ола) — руш серызе, почеламутчо, Россий Серызе-влак ушемын йыжъеҥже (2005).

Илыш корныжо[тӧрлаташ | вики-текстым тӧрлаташ]

Елена Хисамутдинова 1979 ийын ага тылзын 4-ше кечынже Марий АССР Йошкар-Олааште шочын. 9-ше №-ан кыдалаш школым пытарымек, МарГТУ-ш пурен. 2003 гыч 2005 ийлаште М. Горький лӱмеш Литератур институтын Кӱшыл литератур курсыштыжо тунемын. 2006 ий гыч РМЭ-се Писатель ушемын сылнымут консультантшылан ышта.

14 ияш поэзийлан кумылаҥын. «Красиво озеро ночное. Тишина...» икымше почеламутшо 1995 ийыште школысо пырдыжгазетыште лектын. МарГТУ-што тунеммыж годым шуко возен. «Сылнымут шыже» семинар-каҥашыште лиеден. Шинчалан койшо поэзий дебютшо «Дружба» альманахыште лийын (2000), тунам тушто кугу почеламут аршашыже савыкталтын. Кӱшыл литератур курсышто тунеммыж годым Ю.Кузнецов ден В.Сорокинын семинарыштышт тыршен. Почеламутшо-влак ВЛК-се колыштшо-влакын поэзий да прозо антологийыштышт, «День поэзии Литературного института» альманахыште (2004) савыкталтыныт. Е. Хисамутдинован посна почеламут книгаже («Разговор») 2005 ийыште лектын.

2005 ий годсек Россий Писатель ушемын йыжыҥъеҥже.

Тӱҥ произведенийже-влак[тӧрлаташ | вики-текстым тӧрлаташ]

• Стихи // Дружба. На свет нетленный. Йошкар-Ола, 2000. С. 126—130.
• Стихи // В литературном кругу. М., 2004. С. 155—158.
• Стихи // День поэзии Литературного института 2004. М., 2004. С. 50—52.
• Разговор : стихи. Йошкар-Ола, 2005. 44 с.

Литератур[тӧрлаташ | вики-текстым тӧрлаташ]

• Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 639.